canti e inni in dialetto

Bedda Matri r'unni siti,

quantu titulu c'aviti,

cu stu Bambinu

c'aviti 'n brazza

cunciritinni sta grazia:

www.pietates.altervista.org

CANTI SICILIANI

'a grazia ri l'arma,

'a saluti ru cuorpu,

'u pirdunu ri piccati e

'a divina e santa

pruvvirenzia.

a MARIA SANTISSIMA (canti tipici di Comiso)
Evviva Maria, Maria evviva. Evviva Maria e chi la criò. E senza Maria salvàrisi nun si po'.	Maria passava ri na strata nova, la porta ri 'n firraru aperta era. "E tu, firraru, chi fai apiertu a st'ura?" "Fazzu 'na cruci e tri pungenti ciova". "Ti prieu, firraru, nun la fari ora, ri nuovu ti la paiu la mastria". "Matruzza, e si nun la fazzu ora, unni c'è Giesù ci mìntinu a mia!"
a MARIA SANTISSIMA (canto tipico di S. Caterina Villarmosa)	a MARIA SS. LAURITANA (inno tipico di Altavilla Milicia)
A Quattru Cantuneri quattr'Angiuli calaru, Maria la 'ncurunaru pi tutta la città. Ch'è beddu stu bamminu! Maria lu teni 'mbrazza; s' 'u strinci e si l'abbrazza cchiù beddu si lu fa.	'Un c'e` cristianu ca nun la chiama, Viva Maria Lauritana. E Ti chiamamu cu cori cuntritu, Viva la Bedda Matri Aritu. E chiamamula cu 'na vuci umana, Viva Maria Lauritana ! EVVIVA MARIA E CHI LA CREO`, CHE SENZA MARIA SALVAR NON SI PUO'.
Quannu Diu nascìu (canto tipico di Gela)	a SAN GIUSEPPI (canto tipico di Comiso)
Quannu Diu nasciu a lu munnu, 'na nuttata chioppi o scuru, la notti mi cumbunnu ca lu dici la scrittura. La mamma di canterò dormi e fai la ninnaò. San Giuseppi lu sbannenti 'ccu la Vergini sarata, 'ccu lu friddu e la ilata si scurau 'nmenzu na strata. Canto del periodo natalizio, cantato da musici ambulanti, detti 'a nannaredda, innanzi ai presepi allestiti per le strade.	Era stancu e nun putia, si pigghiau lu vastunieddu e si misi a camminari. Camminau co sciccarieddu e truvau 'na rutticedda; la scupau e la puliziau e dduocu intra si turnau. E na l'affritta manciatura parturiu la gran Signura; fici a Gesù Bamminieddu mienzu o voi e l'asinieddu.
a SAN MICHELI ARCANGILU (canto tipico di Caltanissetta)	a SANTU ROCCU (canto tipico di Butera)
San Micheli, Tu l'altizza di l'Eternu to Signuri canuscisti, e la bassizza di nui autri criaturi: fa ch'iu intenda cu è Diu ed ancora cu sugn'iu.	Oh billizza parziali di la Chiesa universali! Santu Roccu protetturi di Vutera è bonfatturi.
al BAMBINEDDU (canto tipico di Gela)	al SANTISSIMU CRUCIFISSU (canto tipico di S. Margherita del Belice)
Bambineddu 'i Cartagiruni, siti sittatu 'n capu 'u scaluni, e faciti 'na prerica santa, Bambineddu canta canta.	Cruci, chi hai ca chianci e ti lamenti? Comu nun lassi chianciri a Maria, ch'avia 'n Figghiu tantu ubbidienti, Cruci, ca vosi veniri cu tia? Cruci, L'hai vistu suspisu e pinnenti: a li tri uri chi fu in agunia? E quannu morsi Cristu Onniputenti la Cruci s'uniu a chianciri cu Maria.

Alcuni canti siciliani sono stati tratti dai libri di Giuseppe Pitrè e da "COMISO VIVA"